Nanapa-kevitra ny mpitatitra nasionalin'i India, Air India, fa hanolotra sakafo mahavelona amin'ny kilasy ara-toekarena amin'ny sidina an-trano.
Ny zotram-piaramanidina dia mandà ny fisian'ny fikafika ara-politika amin'ity fanovana ity amin'ny tolotra omby amin'ny sidina, ary milaza fa tsy noho ny hena lafo kokoa. Ashwani Lohani, Filoha sady Tale Mpitantana ny Air India, dia nanamafy fa “hihena ny fandaniam-bola, hitsitsy ny fandaniana, hanatsara ny fahombiazany, ary hanafoana ny fisafotofotoana sy ny fifangaroana.”
Amin'izao fotoana izao, vesaran'ny trosa 8 lavitrisa dolara amerikana ny zotram-piaramanidina. Noho ny fahasalamany ara-bola marefo, ny governemanta indiana dia nanapa-kevitra ny hanao privatize sy hivarotra tsatòka amin'ny zotram-piaramanidina marary mba hamelomana azy indray.
Ary ankoatr'izay, ny zotram-piaramanidina maromaro, na any India na any ivelany, dia mandoa sara fanampiny ho an'ny sakafo.
Niteraka savorovoro tao amin'ny media sosialy ny hetsika nataon'ny Air India vao haingana izay tsy nanolotra afa-tsy sakafo zava-maniry ho an'ny kilasy ara-toekarena mandritra ny sidina an-trano. Tsy noheverina ho toy ny fepetra fampihenana ny vidim-piainana ireo mpitsikera, fa “ny fanavakavahana sy ny ampahany amin’ny onjan’ny fanindrahindram-pirenena manenika ny firenena” izany.
