Olona 25 farafahakeliny no namoy ny ainy tao Peroa rehefa nianjera tamina kamio ny bus nandehanan'izy ireo ka nahatonga azy nianjera avy teny amin'ny hantsana amina arabe tery antsoina hoe “fiolanan'ny devoly”.
Ny fianjerana dia nitranga ny talata teo tamina arabe mihodina manodidina ny 70 kilometatra avaratry ny renivohitra Lima. Niala ny hantsana ilay bus ary nianjera tamina morontsiraka tokony ho 80 metatra teo ambany.
Ny lohan'ny fizarana fanaraha-maso ny làlambe an'i Lima dia nilaza hoe: "faritra miolikolika mampidi-doza io", hoy ny Reuters. Matahotra ny kolonely Dino Escudero fa mety hiakatra ny isan'ireo maty satria nitondra mpandeha tokony ho 50 ny bus.
"Farafahakeliny olona 25 no maty ary manodidina ny dimy no maratra amin'ireo hita hatreto," hoy i Escudero nanampy.
Ny lozam-pifamoivoizana dia matetika loatra any amin'ny firenena amerikana atsimo noho ny làlambe tsy azo antoka. Nanomboka ny famotorana momba izany ny polisy teo an-toerana.
