Olona telo no voasambotra tao Arequipa, atsimon'i Però, voarohirohy ho namono ilay mpizahatany israeliana 22 taona Tamar Shahak, hoy ny polisy Peroviana ny talata.
Voalazan’ny polisy fa mody mody mpamily fiarakaretsaka izy telo mianadahy, hanolana sy hamono ny mpandeha.
Ahiana ho namono vehivavy roa teny an-toerana ihany koa izy telo lahy.
Nitatitra ny fampahalalam-baovao Peroviana fa tao anatin'ny fiaran'ny iray amin'ireo voarohirohy no nahita ny volon'i Tamir sy ny dian-drany ny polisy. Nilaza ihany koa ny fampahalalam-baovao ao an-toerana fa hitan'ny polisy ny pasipaoron'i Shahak sy boky hebreo nalevina tao an-tokotanin'ilay voarohirohy.
Teo afovoan'ny dia lavitra namakivaky an'i Amerika Atsimo i Shahak rehefa hita faty nokendaina tamin'ny 4 Mey.
fasint.com
