LHASA – Faritra mizaka tena an'i Tibet dia mikendry ny hampiantrano mpizahatany telo tapitrisa amin'ity taona ity, hoy ny biraom-paritra.
Tombanana ho 2.2 tapitrisa ny fahatongavan'ireo mpizahatany tamin'ny taona 2008.
Tena voa mafy tamin'ny rotaka tamin'ny 14 martsa, horohoron-tany tao Sichuan ary horohorontany tany amin'ny faritra, nisedra fitotonganana ny fizahan-tany tao Tibet saingy niverina indray izany, hoy i Qiangba Puncog, filohan'ny governemantam-paritra.
Niteraka fitontonganana 69 isan-jato ny isan'ny mpizaha tany ary 72 isan-jato ny fidiram-bola tamin'ny tapany voalohany tamin'ny taona 2008.
Tamin'ny 2007, nahasarika mpizahatany efatra tapitrisa ny faritra, nijinja 4.8 lavitrisa yuan (eo amin'ny 702 tapitrisa dolara amerikana).
Ny faritra dia nanapaka ny saran'ny dia sy ny trano fandraisam-bahiny amin'ny fanantenana ny hisarika mpizaha tany an-toerana sy iraisam-pirenena. Ao amin'ny renivohitry ny faritra Lhasa, hotely maro no naka 20 ka hatramin'ny 70 isan-jato amin'ny vidin'ny efitranony, raha toa ka misy 70 isan-jato na 80 isan-jaton'ny saran-dalana voalohany ny tapakilan'ny fiaramanidina avy any Beijing mankany Lhasa.
