Nanomboka kilasy anglisy ho an'ny vehivavy any ambanivohitra an'ny koperativa samihafa ny Ivotoerana ara-kolontsaina Red Rocks ao amin'ny vohitra Nyakinama, distrikan'i Musanze, mba hahafahan'izy ireo mifampiresaka mora amin'ireo mpizahatany vahiny.
Tranon'ny Valan-javaboarin'ny Volkano, izay malaza amin'ny gorila an-tendrombohitra, ny distrikan'i Musanze no ivon'ny fizahan-tany any Rwanda.
Ireo vehivavy miara-miasa dia manamboatra vokatra azo ampiasaina toy ny vilany sy harona ary asa-tanana kanto toy ny firavaka sy vakana, izay novidian'ny mpizahatany sasany taorian'ny fitsangatsanganana gorila.
Marie Nyirabigirama, renim-pianakaviana 33 taona ary 3 ao amin'ny vohitra Susa, dia mpikambana ao amin'ny Koperativa Amaboko yi Imigisha eo an-toerana. Nilaza izy fa ny fampianarana mamaky teny sy manoratra izay alehany amin'ny takariva dia nanatsara be ny fahaizany teny anglisy, ary izao dia afaka miresaka am-pahatsorana amin'ireo mpizahatany tonga mividy ireo vokatra vita tamin'ny tanany izy.
“Talohan'ny nidirana tao amin'ny kilasy dia sarotra tamiko ny nifanakalo hevitra tamin'ireo mpizaha tany tonga tao amin'ny kaoperativanay, ary indraindray aho very ny fahafahana hivarotra na inona na inona noho [ny] sakana amin'ny fiteny. Saingy izao, isaky ny mihaona amin'ny mpizaha tany aho, dia afaka miresaka malalaka sy mifampiraharaha amin'izy ireo, ”hoy izy tamin-kafanam-po.
Polline Muhawenimana, 36 taona, dia manan-janaka 4 izay naneho tamin'ny mpizahatany ny fomba fanaovana labiera akondro ao an-toerana, fantatra amin'ny anarana hoe Urwagwa. Nilaza izy fa tsy maintsy niantehitra tamin'ny mpandika teny izy tamin'ny voalohany, isaky ny naneho tamin'ny mpitsidika ny fomba fanaovana labiera izy, saingy izao dia “niova ny zava-drehetra hatramin'ny nisoratra anarana tamin'ny kilasy. Afaka miresaka mivantana amin'izy ireo aho izao, ”hoy izy.
Belta Ntawangkaje, 40 taona, dia nilaza fa izy sy ireo mpiara-miasa aminy dia nahalala betsaka noho ny anglisy teto. Ireo kilasy ireo, hoy izy, dia natao hampianarana azy ireo ny fomba famoronana sy fampiharana ny drafi-pandraharahany manokana ary hikarakarana ny fahasalamany sy ny fahasalaman'ny ankohonany amin'ny fanasana tanana, fanadiovana ary fahadiovana araka ny tokony ho izy.
Ankoatr'izay, “Mandritra ireo fampianarana mamaky teny sy manoratra ireo dia afaka mianatra zavatra maro aho ary mandray fanapahan-kevitra tsara ho an'ny fianakaviako. Any an-tsekoly daholo ny zanako rehetra ary antenaiko fa hanohy hanohana azy ireo hanana ho avy mamiratra, ”hoy izy.
Ntawangkaje nanampy fa na dia niverina tany an-dakilasy fotsiny aza izy mba hianatra teny anglisy mba hahafahany mifampiresaka tsara amin'ireo mpizahatany, dia tonga saina izy fa ny fanabeazana dia “mihoatra ny fahalalana lohahevitra iray fotsiny, satria nianatra bebe kokoa ny zoko aho amin'ny maha vehivavy ahy, ny sandan'ny fampianarana ny zanako, sy ny fomba hikirakako ny vola mba hitehirizana ny ho avy. ”
Ny mpampianatra kilasy misy azy ireo ankehitriny, Sumaya Beekun avy ao amin'ny University of Nevada izay manao ny asany any, dia nilaza fa nangetaheta sy fatratra ny hianatra ilay fiteny ireo vehivavy, ary afaka mifampiresaka mora amin'ireo mpizahatany izy ireo izao.
“Ny fanamby voalohany dia hoe rehefa nanomboka izahay, ny sasany amin'ireo vehivavy ireo dia tsy nahalala na iray aza amin'ireo litera 26 amin'ny abidia anglisy. Fa nahagaga fa afaka volana vitsivitsy izao dia afaka miresaka amin'ny mpizahatany izy ireo, izay mampiseho ny haavon'ny fanoloran-tenany manokana hianatra, "hoy i Beekun.
