KATHMANDU – Miomana amin'ny politikam-pizahantany vaovao mifototra amin'ny foto-kevitry ny fiaraha-miasan'ny governemanta sy ny tsy miankina-bahoaka ny governemanta Nepaley amin'izao fotoana izao, hoy ny minisitry ny fizahantany sy ny sidina sivily Hisila Yami.
Raha niresaka tamin'ny fifaneraserana tao amin'ny Klioban'ny Reporters teto, Yami, notononin'ny masoivohom-baovao XINHUA ao Shina fa ny politika vaovao dia hifantoka amin'ny fampiroboroboana ny fizahantany ambanivohitra sy ny famantarana ary koa ny fampiroboroboana ireo toerana fizahan-tany vaovao.
Nilaza izy fa mikasa ny hanamarika ny taona 2011 ho taonan'ny fitsidihana an'i Nepal ihany koa ny governemanta Nepali, ary heverina fa hahasarika mpizahatany iray tapitrisa farafahakeliny hankany Nepal.
Tamin'ny olana iray hafa, nilaza i Yami fa vonona ny hijanona ho mpiantoka ho an'ny Nepal Airlines Corporation (NAC) hividy fiaramanidina roa ny governemanta ary efa nisy komity iray efa niforona hanoro ny NAC momba ny karazana fiaramanidina hovidiana.
Nilaza izy fa mikasa ny hanakarama fiaramanidina ny governemanta mandra-pividianana fiaramanidina vaovao.
