TOKYO, Japon - Araka ny fampitam-baovaon'ny NHK, dia nesorina ny toro-hevitra momba ny tsunami ho an'ny avaratra atsinanan'i Japana adiny roa taorian'ny horohorontany 6.8 tamin'ny maridrefy tany amin'ny prefektioran'i Fukushima izay niteraka tsunami kely tao amin'ny faritra.
Tsunami kely hatramin'ny 20 sm no voarakitra tao Ishinomaki ao amin'ny prefektioran'i Miyagi sy ireo toerana hafa any avaratratsinanan'i Japana taorian'ilay horohorontany, na dia tsy nisy fahasimbana lehibe aza.
Navoaka ihany koa ny baiko fandroahana tany amin'ny tanàna amorontsiraka maromaro tao amin'ilay faritra, izay tratran'ny horohorontany sy tsunami tamin'ny Martsa 2011 izay nahafatesana olona 19,000 ary niteraka loza nokleary ratsy indrindra hatramin'ny Chernobyl.