Ny sekretera jeneraly Ban Ki-moon dia namporisika ny Governemanta Irak mba hanao zavatra haingana hanatanterahana ny adidiny amin'ny fitadiavana Koety na teratany firenena fahatelo, fananana ary arisiva very tamin'ny nanafihan'i Saddam Hussein an'i Koety 20 taona lasa izay.
Tamin'ny tatitra farany nataony tany amin'ny Security Council momba an'io lohahevitra io dia nilaza Andriamatoa Ban fa mandroso miandalana ny ezaka amin'ny fikarohana ireo Koetiana tsy hita sy teratany fahatelo.
"Mino aho fa maika ny asa hahitana ny fiafaran'ireo Koetiana tsy hita sy teratany firenena fahatelo ary tsy tokony hisy fiantraikany amin'ny resaka politika sy ny fiheverana izany," hoy izy, ary nampiany fa, noho io antony io, ny mandat ny mahaolona dia tsy maintsy voarohirohy tahaka araka izay azo atao avy amin'ny fivoaran'ny faritra misimisy kokoa mba hahazoana antoka fa hampiharina amin'ny fomba mahomby.
"Ankehitriny toa hita fa efa eo ny lafiny fandaminana sy ny logistika amin'ny fikarohana ireo olona tsy hita, ny zava-kendrena dia ny mitady sy mamantatra ireo niharam-boina ary farany manidy ny raharahan'izy ireo dia tsy maintsy atao," hoy Andriamatoa Ban tao amin'ilay tatitra, izay navoaka androany ary noresahan'ny Filankevitra.
Mikasika ny fiverenan'ireo fananana Koesiana dia nilaza ny sekretera jeneraly fa miahiahy hatrany izy fa tsy nisy fandrosoana natao tamin'ny fikarohana ireo arisivam-pirenena Koesiana, ary tsy nisy fampahalalana marim-pototra momba ny toerana misy azy ireo.
Andriamatoa Ban dia nanohana ny tolo-kevitry ny mpandrindra ambaratonga ambony Gennady Tarasov, mba hametrahana rafitra nasionaly mahomby amin'ny governemanta Irakiana hitarika sy handrindra ny ezaka hanazavana ny niafaran'ny arsiva sy ny fananana hafa ary hitatitra ny valiny tany ny ONU.
Nanoro hevitra ihany koa izy ny amin'ny tokony hanitaran'ny Filankevitra ny famatsiam-bola ny andraikitry ny Mpandrindra hatramin'ny Desambra 2011 “mba hanohizana ny fananganana amin'ny vanim-potoana ankehitriny.”
