BUENOS AIRES, Arzantina - Nilaza ny Espaniola tompon'ny zotram-piaramanidina lehibe indrindra ao Arzantina fa hitory izy ireo raha toa ka maka an-keriny ny mpitatitra ny governemanta Arzantina alohan'ny hahatongavan'ny fifanarahana momba ny sandany.
Vicente Munoz no talen'ny Grupo Marsans monina any Madrid, izay mifehy ny Aerolineas Argentinas sy ny Austral sampany.
Nilaza tamin'ny onjam-peo Mitre monina ao Buenos Aires izy ny talata fa ny mety ho fakana an-keriny izay iadian-kevitra ao amin'ny kongresy dia ho “fandrobana” tsy ara-dalàna.
Nilaza i Munoz fa toa mametraka tombam-bidy ambany amin'ny zotram-piaramanidina ny governemanta ary mihemotra amin'ny fifanarahana hamela antoko tsy miankina hanombana ny sandany.
Nilaza izy fa hitory an'i Arzantina any amin'ny fitsarana iraisam-pirenena i Marsans raha tsy mandoa izay sandan'ny mpitatitra an'habakabaka ny governemanta.
