Ny solontenan'ny biraon'ny fizahan-tany an'ny governemanta Filipina dia nilaza fa nitarina mandritra ny 5 volana ny lalàna miaramila. Fotoam-pivoriana iray manokana natolotry ny Antenimieran-doholona sy ny Antenimieran'ny solontena nankatoavina tamin'ny alàlan'ny latsa-bato maro an'isa nanitarana ny fanambarana ny lalàna miaramila ho an'ny nosy Mindanao iray manontolo, any amin'ny faritra atsimon'i Filipina anio sabotsy.
Any amin'ny faritra sisa amin'ny firenena, toerana fizahan-tany malaza indrindra toa an'i Manila, sy ireo nosy fialantsasatra ao Palawan sy Boracay, dia fiainana toy ny mahazatra izany. Ireo mpandeha ao Mindinao dia mety tsy maintsy miatrika ny fiverenany any amin'ny hotely misy azy ireo noho ny tsy fahazoana mivezivezy na najanona tamin'ny fiarany teny amin'ny toeram-pisavana nataon'ny polisy alohan'ny hanohizany ny diany.
Ny fanambarana ny lalàna miaramila dia navoakan'ny filoha Rodrigo R. Duterte tamin'ny 23 Mey 2017, taorian'ny vondron'ireo mpampihorohoro izay nivoady fa tsy hivadika amin'i Da`esh na ny fanjakana Islamika ao Iràka sy Syria manao fahirano ny tanànan'ny Marawi ao Marawi mba hananganana kalifa any atsimo atsinanana. Asia.
Ny fanitarana ny lalàna miaramila izay mampiato ny sora-baventy manerana an'i Mindanao dia kendrena hanohy ny hetsika notarihin'ireo miaramila manerana ny nosy mba tsy hahitana ny fiparitahan'ny mpampihorohoro ao amin'ny faritra.
Ny fitohizan'ny fanadiovana miaramila nataon'ny tanànan'i Marawi dia niteraka fahafatesan'olona 578 araky ny tombatombana nataon'ny Tafika Filipina. Enina amby enim-polo andro taorian'ny nanombohan'ny fifandonana, dia mijanona ho irery ny tanàna ary mbola voarara tsy hiverina an-tranony ny mponina. Mpikambana mpampihorohoro vitsivitsy mbola manohy ady an-tanàn-dehibe - ny ankamaroan'ny sniper an-tsokosoko mba hanakanana ny herin'ny governemanta tsy hanafaka tanteraka ny tanàna.
Ny latsa-bato ataon'ny Antenimieran-doholona sy ny Antenimiera dia hanitatra ny fepetra mifehy ny lalàna miaramila hatramin'ny 31 Desambra 2017, izay ny sekretera ny fiarovam-pirenena no mpitantana ny fitondrana lalàna miaramila.
Ny fanambaràna ny lalàna miaramila dia toherin'ny sehatra maro ao amin'ny fiarahamonin'i Filipina ho tampoka sy tsy ilaina, mitarika amin'ny fanararaotana ny fahalalàny tahaka ny niainana nandritra ny fitondran'ny filoha jadona Ferdinand E. Marcos tamin'ny 1972 ka hatramin'ny 1981 izay nanitsakitsahana ny zon'olombelona sy ny fahalalahana sivily. . Vahoaka milamina notarihin'ny miaramila sy revolisiona notohanan'ny miaramila nanongana an'i Marcos tamin'ny 1986 ary namerina tamin'ny laoniny ny demokrasia tany Filipina.
